पटक पटक तोकिएको प्रदर्शन मितिबाट पछि सर्न बाध्य भएको बहुप्रतिक्षित नेपाली फिल्म ‘प्रेम गीत ३’ अन्ततः यो वर्ष प्रदर्शनमा आउने भएको छ।

फिल्मका निर्देशक सन्तोष सेनले सामाजिक सञ्जालमार्फत फिल्म यो वर्ष घटस्थापनामा प्रदर्शन हुने बताएका हुन्। फिल्म असोज ७ गते देशभर प्रदर्शन हुने भएको छ। यसअघि गत वर्ष फाल्गुन १३ मा प्रदर्शन हुने भनिएको फिल्म कोरोना महामारीका कारण पछि सरेको थियो।

नेपालसँग भारतमा पनि प्रदर्शन गर्ने तयारी रहेको फिल्म भारतमा बढ्दो कोरोना महामारीका कारण पछि सरेको थियो। अनिश्चित कालका लागि सरेको फिल्मको प्रदर्शन अन्नतः यो वर्ष असोज ७ गते हुने भएको छ।फिल्ममा अभिनेता प्रदीप खड्का र अभिनेत्री कृष्टिना गुरुङ मुख्य भूमिकामा छन्।

यी बाहेक फिल्ममा शिव श्रेष्ठ, सुनिल थापा, मनिष राउत, अनुभव रेग्मी लगायतका कलाकारको अभिनय छ।