पछिल्लो समय नेपाली अभिनेत्रीहरू विदेशी चलचित्रमा अभिनय गर्ने ट्रेन्ड बढेको छ । यही लिस्टमा अभिनेत्री आँचल शर्मा पनि आएकी छन् ।

यति बेला उनी पोखरामा दक्षिण भारतीय चलचित्र ‘हिटम्यानको’ छायांकनमा व्यस्त छिन् । अभिनेत्री शर्माले ‘हिटम्यान’बाट दक्षिण भारतीय चलचत्रिमा अझ भनौँ, विदेशी चलचित्रमा डेब्यु गर्दै छिन् ।एडभेन्चर एक्सन साइन्स फिक्सन स्पाइ थ्रिलर हिटम्यान टिममा नेपालकी सुन्दर र लिडिङ अभिनेत्रीलाइ स्वागत गर्न पाउँदा खुसी लागेको चलचित्र टिमका एक सदस्य कलाकार विष्णु अधिकारीले उल्लेख गरेका छन् ।

चलचित्रमा आँचल कुन भूमिकामा छिन् भन्नेबारेमा थप केही खुलाइएको छैन । चलचित्र सन् २०२२ मा रिलिज हुने जनाइएको छ ।