मानिस आफ्नो स्वास्थ्य राम्रो होस् भनेर खानपान र जीवनशैलीमा विषेश ध्यान दिने गर्दछन् । तर कतिपय अवस्थामा यि सबैको ख्याल राख्दा राख्दै पनि स्वास्थ्य बिग्रन पुग्दछ । जसमा वास्तु पनि कारक हुनसक्छ । यस्तोमा वास्तुका केही उपाय अपनाएमा स्वास्थ्य राम्रो हुने धार्मीक मान्यता छ ।

१। बिहानै झ्याल ढोका खोल्ने
बिहान सबेरै उठेर सूर्योदयको समयमा घरका सबै झ्याल ढोका केहि समयकालागि खोल्ने पर्दछ । उदाउँदो सूर्यको किरण स्वास्थ्यकालागि फाइदाजनक हुन्छ । जसले घरमा रहेको ब्याक्टेरीया र भाइरस नष्ट हुन पुग्छ र स्वास्थ्यमा हानी हुनबाट जोगाउँछ ।
२। मुख्यद्वारमा ध्यान
वास्तुशास्त्रका अनुसार घरको मुख्य द्वार अर्थात मेन गेट कहिलै टूटे फुटेको, दरार भएको हुनु हुदैँन । अन्यथा यसले घरमुलीको स्वास्थ्यमा नराम्रो असर पार्न सक्छ । यस अलावा घरको मुख्यद्वार हमेशा सफासुग्गर हुन आवश्यक छ ।

३। सुत्दा यी कुरामा सचेत हुने
राति सुत्दा शीर कहिल्यै पनि उत्तर दिशा र खुट्टा दक्षिण दिशातर्फ हुनु हुदैँन । अन्यथा टाउको दुख्ने र निन्द्रा नपर्ने समस्या हुन्छ । यस अलावा राति सुत्दा शीर त्यस दिशामा पनि हुनु हुदैँन जुन दिशामा घरको ट्वाइलेट वा वाशिंग मेशिन छ ।

४। घरमा सरसफाई
वास्तुशास्त्र अनुसार घर सधैं सफा हुनु पर्दछ । यदि घर फोहोर भए र पर्खालमा जालो लाग्यो भने यसले घरका सदस्यमा नकारात्मक असर पर्दछ । साथै शारीरिक र मानसिक स्वास्थ्य खराब हुने गर्दछ । त्यसैले सफाई गर्दा पर्खाल र कुनाकुनामा पनि ध्यान दिनुपर्दछ ।