विगत डेढ वर्षदेखि कोरोना महामारीले हरेक क्षेत्रलाई निकै असर गरेको छ। जसमध्येको एक हो फिल्म क्षेत्र। एकातिर फिल्म क्षेत्रको काम बन्द छ। अर्कोतिर बनेका फिल्म समेत रिलिज हुन सकेका छैनन्।

कोरोनाले गर्दा फिल्मको पर्दा पछाडि काम गर्ने प्राविधिकहरुको अवस्था निकै नाजुक बनेको छ। उनीहरुले एक वर्षदेखिको भाडा तिर्न सकेका छैनन्। साथै दैनिक जीवन चलाउन समेत गाह्रो छ। जुन खबर सुनेपछि देश विदेशमा रहेका कलाकारहरुले सहयोगी हात अघि बढाउन थालेका छन्।

प्राविधिकहरुको अवस्था निकै नै कमजोर रहेको जानकारी पाएपछि अभिनेत्री स्वस्तिमा खड्काले सहयोग अभियान शुरु गरेकी छिन्। उनले सामाजिक सञ्जालमा एउटा भिडियो पोष्ट गर्दै सहयोग अभियान शुरु गरेको जानकारी दिएकी छिन्।