पूर्वप्रधानमन्त्री एवम् जनता समाजवादी पार्टी नेपालका संघीय परिषद् अध्यक्ष डा. बाबुराम भट्टराईले सर्वोच्च अदालतपछि राजनीति पुन: राजनैतिक दल तथा नेताको कोर्टमा पुगेको बताएका छन् ।

बिहीवार ट्वीटरमा एक ट्वीट गर्दै उनले यस्तो अवस्थामा घर ज्वाईंलाई खानको धन्दा भनेझैं उही पुरानै कुर्सीको खेल शुरू हुने खतरा भएको टिप्पणी गरेका छन् । डा. भट्टराईले देशको आवश्यकता र जनताको चाहनाबाट दल तथा नेताले पाठ सिक्दै नयाँ राष्ट्रिय सहमति गर्नुपर्ने बताएका छन् ।