अभिनेता आमिर खानका छोरा जुनेद खान आफ्नो डेब्यु चलचित्रका लागि तयार भएका छन् । उनी यशराज फिल्मस्‌बाट निर्माण हुन लागेको चलचित्र ‘महाराजा’ बाट बलिउडमा डेब्यु गर्ने भएका हुन् । चलचित्रका निर्देशक सिद्धार्थ पी मल्होत्रा र प्रोडक्सन डिजाइन टिमको अवधारणमा भव्य सेटको निर्माण गरिएको छ ।

जुनेदका साथै ‘अर्जुन रेड्डी’ की अभिनेत्री सालिनी पाण्डे, शर्वरी वाघ र जयदीप अहलावत पनि चलचित्रमा देखिनेछन् । ‘महाराजा’ महाराज लिबेल केसमा आधारित रहने बताइएको छ । चलचित्रमा जुनेद पत्रकार करसन्डास मुल्जीको भूमिका निभाउँदै छन् ।