मुकुन भुसाल र लक्ष्मी बर्देवा स्टारर चलचित्र ‘बिच्छेद’को टिजर सार्वजनिक भएको छ । मंसिर ८ गते रिलिज हुने यो चलचित्रको टिजरमा श्रीमान् श्रीमतीको सम्बन्ध र बाध्यता देख्न सकिन्छ ।

चलचित्रको पोस्टर पनि बुधबार सार्वजनिक गरिएको छ । यसअघि मुकुन र लक्ष्मीले चलचित्र ‘बुलबुल’मा एकसाथ काम गरेका थिए ।

सत्यराज चौलागाईंले निर्देशन गरेको चलचित्रको कथा अभिनेता मुकुन भुसालले लेखेका हुन् । पटकथा निर्देशक स्वयंले लेखेका छन् ।

चलचित्रमा मुकुन र लक्ष्मीसँगै सुष्मा निरौला, प्रिया रिजाल, लय संग्रौला, हिउँवाला गौतम, सरिता राजोपाध्याय, लक्ष्मीनाथ तिमिल्सिना, जीवन थापालगायतको अभिनय छ ।