फिल्म ‘नांगो गाउँ’मा साम्राज्ञी राज्यलक्ष्मी शाह र कार्म अनुबन्धित भएका छन्। सोमवार उनीहरुसँग निर्माणपक्षले लिखित सम्झौता गरेको हो।

फिल्ममा आफूहरुको भूमिका निकै मन परेर जोडिएको दुवै कलाकारको भनाइ छ। साम्राज्ञी र कार्मले पहिलो पटक एकसाथ काम गर्न लागेका हुन्।

दिपेन्द्र लामाको निर्देशनमा बन्ने फिल्ममा यसअघि नै दयाहाङ राई र मिरुना मगर फाइनल भइसकेका छन। योसँगै निर्माणपक्षले कलाकारको लाइनअप पूरा गरेको छ।निर्देशकीय हिसाबले लामाको यो पाँचौ फिल्म हो। उनले यसअघि ‘घामपानी’, ‘गोपी’, ‘छ माया छपक्कै’ र ‘२ नम्बरी’ निर्देशक गरिसकेका छन्। ‘२ नम्बरी’ यो वर्षको सुपरहिट नेपाली फिल्म हो।

फिल्ममा शिशिर वाङ्देल, रविन्द्र झा, वुद्धि तामाङ, पुष्कर गुरुङ लगायतको पनि अभिनय रहनेछ। मनिष्मा फिल्म्स् प्रालिको ब्यानरमा निर्माण हुन लागेको फिल्मको काभ्रेमा हुनेछ। हिमाल शर्माको लगानी रहेको फिल्मको छायाङ्कन फागुनको अन्तिम साताबाट सुरु हुनेछ।