भदौ २७ गते सोमबार हल बन्द गर्ने निर्णयबाट नेपाल चलचित्र संघ पछि हटेको छ। शुक्रबार संघको कार्यालयमा चलचित्र निर्माता संघका पदाधिकारीसँग छलफलपछि संघले हल बन्द गर्ने निर्णय तत्कालका लागि फिर्ता लिएको हो ।

निर्माता संघले विदेशी फिल्म पनि शुक्रबार मात्र प्रदर्शन गर्नुपर्ने निर्णय गरेपछि चलचित्र संघले आन्दोलन स्वरुप हल बन्द गर्ने निर्णय गरेको थियो ।छलफलमा अबका दिनमा फिल्म क्षेत्रका समस्या समाधानका लागि दुवै संघ सहमति र सहकार्य गर्दै अगाडि बढ्ने सहमति समेत भएको छ ।