टेक पौरखी राई निर्देशित ‘मीलन’ १८ कार्तिकबाट सार्वजनिक प्रदर्शनमा आउने भएको छ । निर्माण युनिटले मंगलबार फिल्को ‘फष्ट लुक्स’को रुपमा एक पोष्टर सार्वजनिक गर्दै रिलिज मिति जानकारी दिएको हो ।
पोष्टरमा अभिनेता कुशल शाह ठकुरी र अभिनेत्री शिल्पा थापा देखिएका छन् । अभिनेता कुशल र अभिनेत्री शिल्पाले यसै फिल्मबाट डेब्यु गर्दैछन् । त्रिकोणात्मक प्रेम कथामा आधारीत यो फिल्मको कथा पनि निर्देशक राईले नै लेखेका हुन् ।
फिल्ममा सलोन बस्नेत, शिशिर बांग्देल, सुमिन गुरुङ, जानुका पौडेल, रेजिना एक्चै मगर, डेनियल खड्का, करन थापा मगर लगायतका कलाकारको मुख्य भूमिका छ । राजु सेन्चुरीको संगीत, कुमार महर्जनको द्धन्द्ध रहेको फिल्म काठमाडौं र कालिन्चोकमा छायांकन भएको हो ।