अभिनेता सलमान खानले आफ्नो नयाँ फिल्मको सुटिङ शुरु गरेका छन्। सलमानको फिल्म ‘अन्तिम’को सुटिङ आइतवारबाट शुरु भएको हो। उक्त फिल्ममा सलमान एक सिख प्रहरीको रुपमा देखिनेछन्।

पहिले ‘गन्स अफ नर्थ’ शिर्षक भएपनि अहिले ‘अन्तिम’को रुपमा पुनः सुटिङ थालिएको बताइएको छ।यो फिल्मको निर्देशन महेश मांजरेकरले गर्दैछन्। । सुरुमा सलमान यस फिल्ममा केमियो रोलमा मात्रै देखिने कुरा चलेको थियो। तर, हाल स्क्रिप्टमा परिवर्तन गरिएपछि उनी मुख्य भूमिकामै देखिने भएका हुन्।

सिख प्रहरीको रुपमा देखिने सलमान माफियाको सफाई गर्ने तथा ग्याङवारको अन्त्य गर्ने काममा लाग्ने छन्। उनी पहिलो पटक सिख प्रहरीको भूमिकामा देखिन लागेका हुन्।

फिल्ममा अभिनेता आयुष शर्मा एक ग्याङस्टारको भूमिकामा देखिने छन्। उनको टक्कर सलमानसँग हुनेछ। आयुष शर्मा सलमानका बहिनीका पति हुन्।