अन्तिम गीतको छायांकनसँगै चलचित्र ‘२ नम्बरी’को छायांकन सकिएको छ । कास्कीको ल्वाङ गाउँमा चलचित्रको एउटा गीतको छायांकन सँगै इन्डक्लाप गरिएको हो ।

यो निर्देशक दीपेन्द्र लामाको चौथों चलचित्र हो । निर्देशक लामाका अनुसार २६ दिनमा चलचित्रको सम्पूर्ण छायांकन सम्पन्न भएको छ । सम्पन्न भएसँगै निर्देशक लामा सामाजिक सञ्जालमा लेखेका छन्, “कास्कीको ल्वाङ गाउँमा मेरो चौथो फिल्म ‘२ नम्बरी’ को एउटा गीतसहित सम्पूर्ण छायांकन कार्य २६ दिनमा सम्पन्न भएको छ । फिल्मका कलाकार, प्राविधिक, निर्माण तथा गाउँलेहरूप्रति हार्दिक आभार व्यक्त गर्दछु ।”

चलचित्रमा अभिनेता सौगात मल्ल, दयाहाङ राई, भुटानी अभिनेत्री उगेन छोदेन, र उपासनासिंह ठकुरीको मुख्य भूमिका रहेको छ । चलचित्रको रिलिज मिति कात्तिक ४ गते तोकिएको छ ।