आगामी मे १७ देखि २८ सम्म फ्रान्समा आयोजना हुने ७५औं कान्स फिल्म फेस्टिभलको जुरीमा बलिउड अभिनेत्री दीपिका पादुकोण रहने भएकी छिन् ।

फ्रान्सेली अभिनेता विन्सेट लिन्डनले जुरीको अध्यक्षता गर्ने सदस्यहरूमा दीपिकासहित इरानी फिल्म निर्माता असघर फरहादी, स्वीडिस अभिनेत्री नुमी र्‍यापेस, अभिनेत्री, लेखक तथा निर्माता रेबेका हल, इटालियन अभिनेत्री ज्यास्मिन ट्रिन्का, फ्रान्सेली निर्देशक जेफ निकोल्स र नर्वेका निर्देशक जोआचिम ट्रायर रहेका छन् ।कान्स फिल्म फेस्टिभलले उनलाई आठ सदस्यीय जुरीमा समावेश गर्ने घोषणा गरेको हो ।

दीपिकाको पछिल्लो फिल्म ‘गहराइयाँ’ ओटीटी प्लेटफर्म अमेजन प्राइम भिडियोमा रिलिज भएको थियो । दीपिका अभिनीत साउथ स्टार प्रभाससँगको अनटाइटल प्रोजेक्ट र ऋतिक रोशनसँगको फिल्म फाइटर प्रतीक्षित छ ।