हाँस्य टेलि सिरियल सर्खारको सर को फर्स्टलुक पोस्टर सार्वजनिक भएको छ। होलीको अवसर पारेर टेलिसिरियलको फस्टलुक सार्वजनिक गरिएको हो।

फर्स्टलुकमा कलाकार दीपक आचार्य, रविन्द्र झा र सिपि पुडासैनीलाई देख्न सकिन्छ। सेलिब्रेटी नेपाल र देवांशी इन्टरटेन्टमेन्टको प्रस्तुति रहेको सिरियलको निर्देशन बिनय पौडेलले गरेका छन्।

सिरियलले राजनीतिक विकृति विसंगति, नेपाली समाजमा घटेका यथार्थ घटना र गाउँ समाजमा परेका समस्याहरुलाई उजागर गर्ने निर्माण पक्षले जनाएको छ। यस सिरियलको निर्माण रघुनाथ सापकोटा र लीला केसीले गरेका हुन्। नवराज भण्डारी सह निर्माता रहेका छन्।

सिरियलमा दीपक रविन्द्र सिपिका साथै लीला केसी, जगदिश्वर अधिकारी,प्रतिषा रिजाल,राजु कट्टेल,सिजन तिवारी,मरिना गुरुङ,सुरज अधिकारी लगायतका कलाकारको अभिनय रहेको छ।