नेपाल अन्तर्राष्ट्रिय चलचित्र महोत्सव ९निफ० को मिति एकसातापछि सरेको छ। निफको पाँचौ संस्करण चैत १७ गतेदेखि २१ गतेसम्म आयोजना हुने पक्का भएको हो।
शुक्रबार काठमाडौंमा आयोजित एक कार्यक्रममा महोत्सव को नयाँ मितिबारे जानकारी दिइएको हो। यसअघि चैत्र १० देखि १४ गतेसम्म हुने भनिएको महोत्सवको मिति प्राविधिक कारणका कारण परिवर्तन गरिएको निफका अध्यक्ष केपी पाठकले बताए।

यसवर्षको निफमा ३८ देशका ८९ फिल्महरुबिच प्रतिस्पर्धा हुनेछ। राष्ट्रिय तथा अन्तर्राष्ट्रिय लामो, छोटा चलचित्र, डकुमेन्ट्री तथा एनिमेटेड चलचित्रहरुको ७ वटा विधामा १४ वटा पुरस्कार दिइनेछ।

‘विश्वभरिका कथाहरुको उत्सव नेपाल अन्तर्राष्ट्रिय चलचित्र महोत्सव’ भन्ने यस वर्षको नारा रहेको छ। यो वर्ष नेपाली प्रतिस्पर्धामा ‘बेस्ट डकुमेन्ट्री अवार्ड’ थप गरिएको छ। प्रतिस्पर्धामा उत्कृष्ट हुनेलाई पचास हजार नगद पुरस्कार प्रदान गरिनेछ।