फिल्म ‘हनी बनी’मा अभिनेता सलोन बस्नेत अनुबन्धित भएका छन्। मुख्य पात्रको अभिनय गर्नका लागि सलोन यस फिल्ममा भित्रिएका हुन्।

यसअघि अभिनेता अनमोल केसी फिल्ममा मुख्य भूमिकामा देखिने पक्का भइसकेको छ। यसैबीच, निर्देशक दिवाकार भट्टराईले फिल्ममा सलोनलाई भित्र्याएको फेसबुकमार्फत जानकारी दिएका हुन्।कथाअनुसार सलोनलाई फिट हुने पात्र भएकाले सलोनलाई नै रोजेको दिवाकरले बताए। त्यसैगरी, फिल्मको लागि मुख्य अभिनेत्री छिट्टै फाइनल गरिने समेत उनको भनाइ छ।

अनमोल र सलोन यसअघि पनि ‘होस्टेल’, ‘गाजलु’ र ‘ए मेरो हजुर ३’ जस्ता फिल्महरुमा देखिइसकेका छन्।