बहुप्रतिक्षित दक्षिण भारतीय फिल्म आरआरआरु को नयाँ रिलिज मिति सार्वजनिक भएको छ। अब यो फिल्म २५ मार्च २०२२ ९चैत ११० मा रिलिज हुने पक्का भएको छ।

यसअघि ७ जनवरी २०२२ मा फिल्म रिलिज हुने भनिएको थियो। आक्रमक प्रचार गरेको फिल्मको प्रदर्शन मिति भारतमा ओमोक्रन भेरियन्ट फैलिएसँगै सिनेमाहल बन्द भएपछि स्थगित गरिएको थियो।

यसअघि उक्त फिल्म मार्च १८ वा अप्रिल २८ बाट प्रदर्शन गर्ने बारेमा समेत छलफल भएको थियो। १८ मार्चमा अक्षयकुमार अभिनित बच्चन पाण्डे र २८ अप्रिलमा अजय देवगनको रनवे ३४ु रिलिज हुँदैछ। त्यसकारण आरआरआरु रिलिजका लागि नयाँ मिति छानेको हो।

एसएस राजामौली निर्देशित फिल्ममा जुनियर एनटीआर, रामचरण, अजय देवगण, आलिया भट्ट लगायतका कलाकारको मुख्य भूमिका छ। यो फिल्म हिन्दी, तमिल, तेलुगू, मलयालम र कन्नड मा रिलिज हुनेछ।