फिल्म ‘कबड्‌डी’ को चौथो सिरिजको टिजर सार्वजनिक भएको छ। आज सार्वजनिक भएको टिजरमा पुराना संस्करणसँग फिल्मलाई कनेक्ट गरेको देखिन्छ। दयाहाङ राई र मिरुना मगरको प्रेममा सौगात मल्लको इन्ट्रीले फिल्म पुरानै शैलीको हुने अपेक्षा गर्न सकिन्छ।

कबड्डी ४ -द फाइनल म्याचु को टिजरसँगै प्रदर्शन मिति समेत तय भएको छ। यो फिल्म आउँदो वर्ष वैशाख २३ गते रिलिज जनाइएको छ।

बाँसुरी फिल्म्सको ब्यानरमा बनेको फिल्म रामबाबु गुरुङको निर्देशन गरेका छन्।
फिल्ममा अघिल्ला श्रृङ्खलामा जस्तै मुस्ताङ आसपासको दृश्याङ्कन गरिएको छ। मणिराम पोखरेल निर्माता रहेको फिल्ममा दयाहाङ राई, सौगात मल्ल, विजय बराल, बुद्धि तामाङ, मिरुना मगर, गौमाया यात्री, पुष्कर गुरुङ, कविता आले, जयनन्द लामा लगायतका कलाकारको अभिनय छ।