नेपाली कांग्रेस काठमाडौं महानगरको सभापतिमा निलकाजी शाक्य निर्वाचित भएका छन्। शाक्यसँगै काठमाडौं महानगरमा प्रकाशमान सिंह-गगन थापा समूहको प्यानलनै विजयी भएको छ।

शाक्यले ७८६ मत प्राप्त गर्दा अर्का उम्मेद्वार प्रगतिमान रञ्जितले ३२९ मत ल्याए। तरुण दलका केन्द्रीय सदस्यसमेत रहिसकेका शाक्य काठमाडौं महानगर वडा २५ का वडाध्यक्षसमेत हुन्। शाक्य नेता प्रकाशमान सिंह निकट हुन्।

यसैगरी, उपसभापतिको पदमा सन्तकुमार महर्जन र शुशिला ढकाल निर्वाचित भएका छन्। त्यस्तै, सचिवमा शुसन बैद्य र पुरुषोत्तम खकुरेल निर्वाचित भएका छन्।

यता, सहसचिव पदमा बिमला लामिछाने र अमृत मानन्धर निर्वाचित भएका छन्।