निर्देशक शोभित बस्नेतको फिल्म ‘डाँडाको वर पीपल’को ट्रेलर सार्वजनिक भएको छ। राजधानीमा आइतबार आयोजित एक कार्यक्रममा ट्रेलर सार्वजनिक गरिएको हो।

जातको कारण एक प्रेमजोडीले भोग्नु परेको अनेक दुःख र पिडालाई सार्वजनिक ट्रेलरमा देखाइएको छ। फिल्ममा शिव श्रेष्ठ, भुवन केसी, गौरी मल्ल, सलोन बस्नेत, रुबिना थापा, विनोद न्यौपाने, राजीवजंग बस्नेत, अस्मिता जुरेली, उतम केसी लगायतका कलाकारहरूको अभिनय रहेको छ।

काठमाडौं र चित्लाङ आसपासका स्थानमा फिल्मको छायांकन गरिएको हो। फिल्म असोज २६ गते दशैंको अवसर पारेर हलमा रिलिज हुनेछ। ओटीटी प्लेटफर्ममा भने तिहारमा रिलिज हुने छ।