गायक दीप श्रेष्ठ गायन रियालिटी शो द भ्वाइस अफ नेपालु को सेटमा फर्किएका छन्। द भ्वाइस अफ नेपाल को निर्णायकको रुपमा रहेका उनी आफ्नो स्वास्थ्य अवस्था सामान्य भएपछि कार्यक्रममा फर्किएका हुन्।

श्रेष्ठ पुर्ण रुपमा निको भएर सेटमा फर्किसकेको द भ्वाइस अफ नेपाल का निर्देशक लक्ष्मण पौडेलले जानकारी दिए।दीप सर सेटमा फर्किसक्नु भएको छ। शुक्रवार र शनिवारको एपिसोडमा दर्शकले दीप सरलाई नै कोचको रुपमा देख्न पाउनेछन्। एपिसोडको सुटिङ दुईदिन अघि नै भइसकेको छ उनले बताए।

कोरोना संक्रमण भएर अक्सिजन लेबल कम भएपछि श्रेष्ठलाई अस्पताल भर्ना गरिएको थियो। दुई साताको अस्पताल बसाई पछि उनी घर फर्किएर आराम गरिरहेका थिए।