एम्बिसन एकेडेमीको आयोजनामा नृत्यप्रतियोगिता सम्पन्न भएको छ । एम्बिसन एकेडेमीले प्रत्येक वर्ष आयोजना गर्दै आएको एम्बिसन डान्सिंग स्टारको यो दोस्रो शृङ्खला हो । कोरोनाका कारण सुस्त भएको शैक्षिक क्षेत्र बिस्तारै संचालनमा आएसँगै एकेडेमीले यस्ता अतिरिक्त क्रियाकलापलाई पनि निरन्तरता दिन थालेको हो ।
एकेडेमीको आफ्नै प्रांगणमा संचालन भएको उक्त प्रतियोगितामा छनोट चरणमा अफ्नो कला देखाएर छानिएका २२ जना प्रतियोगीहरूले सहभागिता जनाएका थिए । सिनियर र जुनियर गरि दुई ग्रुपमा बिभाजन गरिएको उक्त प्रतियोगितामा जुनियर ग्रुपबाट रेहाना राई कक्षा ६, सुबृस्पी राउत कक्षा ६, पुरबी अधिकारी कक्षा ६, क्रमशः प्रथम, द्वितीय र तृतीय भए भने पृयंका पाण्डे र सोया बुढा ले सान्त्वना स्थान हाँसिल गरे ।
त्यसैगरी सिनियर ग्रुपबाट श्रावणी थापा कक्षा १०, प्रमिला नेपाली कक्षा १० र सुस्मिता आले मगर कक्षा ८ क्रमशः प्रथम, द्वितीय, तृतीय भए भने कक्षा १० कि छात्रा अन्तरा घिमिरेले सान्त्वना स्थान हासिल गरिन् ।
नेपाली नृत्य क्षेत्रका चर्चित व्यक्तित्वद्वय छिरिङ लामा र अनिल भुजेलले उक्त प्रतियोगितामा निर्णायकको भूमिका निर्वाह गरेका थिए । अनौपचारिक शैलीमा संचालन भएको कार्यक्रमको उद्घोषण भवानी नेपालले गरेका थिए ।