चलचित्र ‘प्रेम गीत–३’को ट्रेलर भारतका १७ सयभन्दा धेरै हलमा बजिरहेको छ । भारतमा रिलिज हुन लागेको चलचित्रको ट्रेलर त्यहाँका १७ सयभन्दा धेरै हलमा बजिरहेको ‘प्रेम गीत-३’ निर्माण पक्षले जनाएको छ ।

हिन्दी भाषामा डबिङ भएको चलचित्र ‘प्रेम गीत-३’ असोज ७ गतेबाट रिलिज हुँदै छ । नेपाल र भारतमा यो चलचित्र एकैदिन रिलिज हुनेछ । ट्रेलर बजेका हलमा चलचित्र रिलिज हुनेछ । हिन्दीमा डबिङ भएर भारतमा भारतीय वितरकमार्फत रिलिज हुन लागेको यो नै पहिलो नेपाली चलचित्र हो ।
सन्तोष सेन र छेतेन गुरुङले निर्देशन गरेको चलचित्रमा प्रदीप खड्का, कृष्टिना गुरुङ, सुनील थापा, शिव श्रेष्ठलगायत कलाकार मुख्य भूमिकामा छन् ।