बलिउड अभिनेता शाहरूख खानको फिल्म ‘जवान’ यतिखेर चर्चामा छ। २ सय करोड भारुको लगानीमा बन्न लागेको फिल्ममा दक्षिण भारतीय कलाकारहरूको प्रवेश पनि बढ्दो छ। यसैबिच, फिल्ममा साउथ स्टार थलापति विजय अनुबन्धित भएका छन्।

साउथका निर्देशक एटलीले निर्देशन गर्ने यस फिल्ममा थलापति खलपात्रको भूमिकामा देखिनेछन्। केमियो रोलमा देखिने थलापतिको भूमिका महत्वपूर्ण हुनेछ। सेप्टेम्बर महिनाको मध्यमा थलापतिले सुटिङ गर्ने बताइएको छ। उनले जवानलाई आफ्नो पार्ट फिल्मका लागि एक दिन छुट्याएका छन्।

केमियो भूमिकामा देखिने थलापतिले आफ्नो विशेष उपस्थितिको शुल्क भने लिने छैनन्। किनकी यस फिल्मका निर्देशक एटलीसँग थलापति विजयको गहिरो मित्रता छ। यसअघि दुबैले धेरै फिल्ममा पनि एकसाथ काम गरिसकेका छन्।

फिल्ममा शाहरूख र थलापति विजयका साथै दीपिका पादुकोण, नयनतारा, सान्या मल्होत्रा, विजय सेतुपति, सुनिल ग्रोवरलगायत कलाकारको अभिनय छ।