दीवाकर भट्टराईले निर्देशन गरेको सिनेमा क्याप्टेन हिजो ओएस आरको युट्युब च्यानलबाट सार्वजनिक गरिएको छ। फिल्मलाई धेरैखदर्शकले मन पराइदिएका छन् । धेरै जसले कमेन्टगर्दैफिल्म राम्रो बनेको बताएका छन्। फिल्म युटुवको ट्रेण्डिङ १२ मा पुगेको छ भने उकालो चढ्नेक्रम जारी रहेको छ।
सदावहार अभिनेता भुवन केसीले निर्माण गरेको सिनेमाको कार्यकारी निर्माताका रुपमा जिया केसी रहेकी छन् । सुपर काजल फिल्मसको ब्यानरमा निर्माण भएको फिल्ममा सामिप्यराज तिमिल्सेनाको कथा, निर्देशक दीवाकर भट्टराईको पटकथा तथा संवाद रहेको छभने अर्जुन पोखरेलले संगीत भरेका हुन् ।

फिल्ममा अनमोल केसी, उपासना सिंह ठकुरी र प्रियंका एमभी, प्रशान्त ताम्राकार, सुनिल थापा, सरोज खनाल, विल्सन विक्रम राई, सुर्यमाला खनाल, राजाराम पौडेल, बुद्धि तामाङ, अमित श्रेष्ठ लगायत कलाकारको अभिनय रहेको छ। कविराज गहतराजको कोरियोग्राफी, नवराज उप्रेतीको छायांकन, सुदिप बरालको डिओपी, दिर्घ राज खड्काको सम्पादन रहेको छ ।