एमाले अध्यक्ष केपी शर्मा ओलीले माधव नेपालको पक्षमा लागेकाहरूलाई एमालेमा फर्किन आग्रह गरेका छन् । बिहीबार भक्तपुरमा आयोजित एक कार्यक्रमलाई सम्बोधन गर्दै ओलीले निर्वाचन आयोगमा नेता नेपालको नेतृत्वमा नयाँ पार्टी दर्ताका लागि ‘नाम लेखाएका’हरूलाई एमालेमा फर्किन आग्रह गरेका हुन् ।

“माधव नेपालको नाम लेखेर निर्वाचन आयोगमा नाम दर्ता गराएका साथीहरू नाम कटाउनुस् र पार्टीमा आउनुस् । पार्टीमा आएर काम गरौँ,” ओलीले भने ।उनले प्रदीप नेपाललाई नसोधेरै नेपाल पक्षले टिममा राखेको पनि बताए । “प्रदीप नेपालले टिममा छैन भनेर राम्रो गर्नुभो । प्रदीप नेपाल जत्तिको मान्छेको नाम देउवाका लगेर व्यापार गर्ने ? सोध्दै नसोधी ?,” ओलीले भने ।