धुर्मुस-सुन्तलीको ‘म त मर्छु कि क्या हो’ डिजिटल प्लेटफर्मबाट रिलिज हुने भएको छ । यद्यपि प्रशारण मिति भने तय भइसकेको छैन ।

केही समय अगाडि नै निर्माण सम्पन्न भइसकेको ‘म त मर्छु कि क्या हो’ लाई धुर्मुस (सीताराम कट्टेल र कुञ्जना घिमिरे) को कमब्याक भनिएको छ । “मैले ओटीटीलाई दिइसकेको छु । अब उहाँहरुको अनुकुल रिलिज हुने छ,” सिताराम भन्छन् ।

धुर्मुस र सुन्तलीसँगै बुद्दि तामाङ, विजय बराल लगायत कलाकार मुख्य भूमिकामा छन् । ‘म त मर्छु कि क्या हो’लाई सिताराम कट्टेलले निर्देशन गरेका छन् ।