अभिनेत्री आँचल शर्माले उनी गर्भवति भएको भन्ने समाचारको खण्डन गरेकी छिन् । उनले सामाजिक सञ्जालमार्फत समाचार गलत भएको र यस्ता गलत समाचारबाट आफ्ना प्रशंसकलाई टाढै रहन पनि आग्रह गरेकी छिन् ।

उनले उक्त गलत समाचारको स्क्रिन सर्ट र टिकटकमा आएको गलत खबर पोस्ट गर्दै गलत भएको बताएकी छिन् । आँचल लेख्छिन्, “पछिल्लो समय म गर्भवती भएको भन्ने समाचारहरु फैलिरहेको छ ।
गलत समाचारले क्षणिक रुपमा प्रचार त पाउँछ तर अन्त्यमा यो गलत सावित नै हुन्छ । म यहाँमार्फत मेरा प्रशंसकहरुका लागि भए पनि यो खुशीको खबरका लागि अझै केही वर्ष कुर्नुपर्ने जानकारी गराउँन चाहन्छु ।”