काठमाडौं उपत्यकामा सबै किसिमका सार्वजनिक सवारी चल्न दिइने भएको छ । आइतबार बसेको तीन जिल्लाका प्रमुख जिल्ला अधिकारीहरूको बैठकले यस्तो निर्णय गरेको हो ।

अनिवार्य रूपमा स्वास्थ्य मापदण्ड पालना गर्नेगरी निजी तथा सार्वजनिक सवारी साधनमा लगाइएको जोरबिजोर प्रणाली हटाइएको छ । सबै यात्रुले अनिवार्य रूपमा मास्क लगाउनुपर्नेछ । मास्क नलगाउने यात्रुलाई सार्वजनिक सवारी साधनमा प्रवेश दिइने छैन ।

यस्तै, चालक तथा सहचालकले पनि अनिवार्य रूपमा मास्क, भाइजर र पञ्जा लगाउनुपर्नेछ । सवारी साधनको ढोकामा स्यानिटाइजको व्यवस्था हुनुपर्नेछ । कुल स्वीकृति सिटभन्दा बढी यात्रु चढाउन पाइने छैन ।