कोपा अमेरिका अन्तर्गत सम्पन्न क्वाटरफाइनलको खेलमा इक्वेडरलाई हराउँदै अर्जेन्टिना सेमिफाइनल प्रवेश गरेको छ। स्टेडियो ओलम्पिको पेड्रो लुडोभिकोमा सम्पन्न खेलमा इक्वेडरमाथि ३-० को जित निकाल्दै अर्जेन्टिनाले सेमिफाइनलमा स्थान बनाएको हो।

खेलको ४० औं मिनेटमा रोड्रिगो डी पउलको गोलमा अग्रता बनाएको अर्जेन्टिना पहिलो हाफमा एक गोलले अघि रह्यो। खेलको ८४ औं मिनेटमा लौटरो मार्टिनेजले गोल गर्दै अग्रता दोब्बर बनाउँदा खेलको अतिरिक्त समयमा कप्तान लियोनल मेस्सीले अर्को गोल थपेका थिए।