गायक तथा संगीतकार माणिक रत्न स्थापित ुअजर अमर सम्मान २०७८बाट सम्मानित भएका छन्। संगीतकार संघ नेपालले उनलाई १ लाख १ सय ११ रुपैंयाँ नगदसहित सम्मान गरेको हो।

सोमबार संघका संरक्षक शम्भुजित बास्कोटाको नेतृत्वमा उपाध्यक्ष हरि लम्साल, कोषाध्यक्ष राजेश थापा तथा सदस्य जेम्स प्रधानको समूहले ललितपुर खुमलटारस्थित निवासमा गई रकम हस्तान्तरण गरेको हो।

वि.सं १९९४ सालमा काठमाडौंको मख्खन टोलमा जन्मिएका उनले २००७ सालमा बालगीतमा स्वर भरेर औपचारिक गायन यात्रा सुरु गरेका थिए। उनका ‘त्यो खोलाको सङ्लो पानी’, ‘म पनि त मानिस हुँ’, ‘न आउ जुन कोठामा राति’ जस्ता दर्जनौं गीत लोकप्रिय छन्।