बलिउड अभिनेता सलमान खानको फिल्म राधे मे १३ मा हल र ओटीटी प्लेटफर्ममा रिलिज हुने भएको छ।भारतमा बढ्दो कोरोनाको दोस्रो लहरबिच उनले ट्विटरमार्फत फिल्म इदमा रिलिज गर्ने घोषणा गरेका हुन्।

संक्रमणका कारण भारतका धेरै ठाउँमा हलहरु बन्द भइसकेका छन्। महाराष्ट्र, दिल्ली लगायतका राज्यमा लकडाउन नै गरिएको छ।राधे फिल्म हाल संचालनमा रहेका हलहरुका साथै ‌ओटीटी प्लेटफर्ममा एकसाथ रिलिज हुनेछ।
प्रभु देवाको निर्देशन रहेको फिल्ममा सलमान खान, दिशा पटानी लगायतका कलाकारको मुख्य भूमिका रहेको छ।