काठमाडौं । स्पेनले फिफा विश्वकप फुटबल छनोट अन्तर्गत युरोपियन छनोटको पहिलो खेलमा बराबरी खेलेको छ । बिहीबार राति भएको खेलमा स्पेन ग्रिससँग १-१ गोलको बराबरीमा रोकिएको हो ।

घरेलु मैदान स्पेनले बराबरी खेल्दै अंक बाँडेको हो । सुरुवाती अग्रता जोगाउन नसक्दा स्पेनले बराबरी खेल्नु पर्यो । खेलको ३३ औं मिनेटमा अल्भारो मोराटाले गोल गर्दै स्पेनलाई अग्रता दिलाएका थिए ।पहिलो हाफमा १-० गोलको अग्रता लिएको स्पेनले दोस्रो हाफसम्म आफ्नो अग्रता दोगाउन सकेन् । ५७ औं मिनेटमा अनास्टासिओस बाकासेटासले पेनाल्टीमा गोल गर्दै ग्रिसलाई हारबाट जोगाए ।