मुम्बई । कोरोना महामारीकालमा धेरै चलचित्रमा डिजिटल प्लेटफर्ममा रिलिज भए । तर, स्थिति सामान्य हुन थालेसँगै निर्माताहरु पुनः हल रिलिजतर्फ फर्किइसकेका छन् ।भारतमा सय प्रतिशत सिट क्षमतामा हलहरु सञ्चालन गर्न अनुमति पनि दिइसकेको छ । तर, अभिनेता फरहान अख्तर अभिनीत चलचित्र ‘तुफान’ भने हलमा नभई डिजिटल प्लेटफर्ममा नै रिलिज गर्ने तयारी गरिएको छ ।“तुफान सुरुमा २०२० सेप्टेम्बरमा रिलिज गर्ने अपेक्षा गरिएको थियो ।
यद्यपि, लकडाउन भएपछि भने चलचित्रको रिलिज अनिश्चितकालका लागि होल्ड गरिएको थियो ।चलचित्रमा अभिनेता फरहान बक्सरको मुख्य भूमिकामा देखिँदै छन् । उनका साथै चलचित्रमा मृणाल ठाकुर र परेश रावलको पनि अभिनय रहनेछ ।