सन् २०१६ मा रिलिज फिल्म ‘डियर जिन्दगी’मा अभिनेत्री आलिया भट्ट र अभिनेता शाहरुख खानको सहकार्यलाई दर्शकले राम्रै रुचाएका थिए । पाँच वर्षपछि उनीहरु पुनः फिल्ममा सहकार्य गर्दैछन् ।

यसपटकको सहकार्य कार्यगत हिसाबले आलिया र शाहरुखको फरक हुनेछ ।
शाहरुख खानको प्रोडक्सन हाउस रेड चिलीज इन्टरटेनमेन्टको व्यानरमा निर्माण हुन लागेको फिल्म ‘डार्लिङ’मा आलियाले प्रमुख भूमिका निभाउदैछन् ।यो फिल्मबाट जसीमत के रेने निर्देशकका रुपमा ‘डेब्यू’ गर्दैछिन् ।
उनले कैयौं फिल्ममा सहायका निर्देशक र मुख्य सहायक निर्देशकको रुपमा काम गरिसकेकी छन् ।फिल्मले जीवनमा पागलपनको अवस्थामा गुज्रिरहेका आमा र छोरीको कथा भन्नेछ। ।