इङ्ग्लिस प्रिमियर लिग अन्तर्गत गएराति सम्पन्न खेलमा चेल्सीले न्युक्यासल युनाइटेडमाथि जित निकालेको छ। स्टामफोर्ड ब्रिजमा सम्पन्न खेलमा घरेलु टोली चेल्सीले न्युक्यासलमाथि २-० गोलअन्तरले जित निकालेको हो।

चेल्सीले दुई गोल पहिलो हाफमा गरेको थियो। खेलको ३१ औ मिनेटमा ओलिभर जिरुढले गोल गर्दै खेलमा अग्रता दिलाएका थिए। त्यस्तै ३९ औं मिनेटमा टिमो वेर्नरले गोल गर्दा पहिलो हाफमै चेल्सीले दुई गोलको अग्रता बनाएको थियो। दोस्रो हाफमा दुबै पक्षबाट गोल नहुँदा चेल्सीले २-० ले खेल आफ्नो पक्षमा पार्‍यो।

जितसँगै २४ खेलबाट ४२ अंक जोडेको चेल्सी अंकतालिकाको चौथो स्थानमा उक्लिएको छ।