काठमाडौं । प्रधानमन्त्री केपी शर्मा ओलीले गायिका कुन्ती मोक्तानको गीत ‘म त हिँड्छु मेरै बाटो, खुट्टा तान्दै गर’जस्तै आफू अगाडि बढीरहेको बताएका छन् ।

सोमबार नेपाल विद्युत् प्राधिकरण ढल्केबर सबस्टेसनको उद्घाटन गर्दै प्रधानमन्त्री ओलीले यस्तो बताएका हुन् । उनले भने, “अहिलेको सरकारको काम विकास गर्ने हो । विकासमा लाग्या छ । पार्टीभित्रै बसेर सरकारको खुट्टा तान्नेहरु केही थिए । म त हिँड्छु मेरै बाटो, खुट्टा तान्दै गर ।”प्रधानमन्त्री ओलीले आफू देश बनाउने संकल्पमा लगातार अघि बढीरहने बताए । प्रचण्ड–नेपालहरुले छाडेर गएपछि पार्टीमा गति पैदा भएको उनले जिकिर गरे ।