नायक अनमोल केसी १५ महिनापछि चलचित्रमार्फत दर्शकमाझ आउने भएका छन् । वि.सं. २०८१ सालको जेठ ११ गते उनको चलचित्र रिलिज हुँदा उनी १५ महिनापछि दर्शकसामु देखिनेछन् ।

२०८१ सालको जेठ ११ गते उनको अभिनय रहने चलचित्र ‘फर्की फर्की’ रिलिज हुनेछ । गत वर्षको फागुन १९ गते अनमोल मुख्य भूमिकामा रहेको चलचित्र ‘छड्के–२’ रिलिज भएको थियो । जुन चलचित्रबाट उनको आलोचना भएको थियो । त्यसपछि उनले राम्रो स्क्रिप्ट नआएसम्म काम गर्ने बताएका थिए ।

‘छड्के–२’ पछि अनमोल निर्माता रोहित अधिकारीले चलचित्र ‘फर्की फर्की’मा काम गर्न लागेका छन् । यो चलचित्रको प्रदर्शन मिति पनि तय भइसकेको छ । यो चलचित्रको वर्कसप सुरु भएको छ । वर्कशपमा चलचित्रका  नायक अनमोल केसी, नव–कलाकारद्वय रवि काफ्ले र समृद्धि अर्याल सहभागी छन् ।

चलचित्रकी मुख्य नायिका जसिता गुरुङ भने केही दिनमा वर्कसपमा सहभागी हुनेछिन् ।

चलचित्रको छायांकन मंसिरको १ गतेबाट सुरु गर्ने तयारी छ । सुयोग गुरुङले निर्देशन गर्ने चलचित्र काठमाडौं, पोखरा, अन्नपूर्ण बेस क्याम्पमा छायांकन गरिनेछ । एउटा गीतको छायांकन इन्डोनेसियाको बालीमा गरिने निर्माणपक्षले बताएको छ ।

रोहित अधिकारी र ओम प्रकाश अग्रवालको निर्माणमा तयार हुन लागेको चलचित्रका सह–निर्मातामा मनोज वली र राम न्यौपाने हुन् ।