यम शेर्पाको निर्देशनमा बन्न लागेको चलचित्र ‘कार्साङ’मा अभिनेत्री सुरक्षा पन्त अनुबन्धित भएकी छन् । दयाहाङ राई, बुद्दि तामाङ फाइनल भइसकेको चलचित्रमा सुरक्षाको इन्ट्री भएको हो ।

यो चलचित्रमा नवनायिकाका रुपमा छिरिङ शेर्पा अनुबन्धित भइसकेकी छन् । बाँकी कलाकार अडिसनमार्फत छनोट गरिने बताइएको छ ।

शेर्पा जातिको सामाजिक कथावस्तुमा निर्माण हुने चलचित्रमा निर्देशक स्वयंको लेखन रहनेछ ।

तिहारपछि छायांकन गरिने चलचित्र बाह्रबिसे नगरपालिका र बाँकी भोटेकोसी गाउँपालिका विभिन्न स्थानमा छायांकन गरिने निमार्ण पक्षले बताएको छ ।