काठमाडौं। प्रधानमन्त्री केपी शर्मा ओलीलाई आज गृहमन्त्री रामबहादुर थापा बादलले भेटेका छन्। प्रधानमन्त्री निवास बालुवाटर पुगेरै गृहमन्त्री रामबहादुर थापाले ओलीलाई भेटेका हुन्।

भेटका क्रममा प्रधानमन्त्री ‌ओलीले आफूलाई सहयोग गर्न गृहमन्त्री थापालाई आग्रह गरेको र त्यसमा गृहमन्त्री थापाले आफू सकारात्मक रहेको बताएको खबर आएको छ।
यसअघि नेकपा अध्यक्ष पुष्पकमल दाहाल ‘प्रचण्ड’ले पनि पुल्चोकमा पुगेर बादललाई आफ्नो समूहमा आउन आग्रह गरेका थिए। तर दुबै पक्षको आग्रहलाई वेवास्ता गर्दै कुनै गुटको बैठकमा नगएका थापाले आज ओलीलाई भेटनुलाई निकै चासोका साथ हेरिएको छ ।