बंगलादेशमा हिन्दू मन्दिरमा आक्रमण भएको छ । अज्ञात व्यक्तिको समूहले बंगलादेशको बालियाडाँगी उपजिलामा रहेका १४ हिन्दू मन्दिरमा आक्रमण गरी क्षति पुर्‍याएको ढाका ट्रिब्युनले जनाएको छ ।

घटनापछि प्रतिक्रिया दिँदै ठाकुरगाँव क्षेत्रका प्रहरी उपरीक्षक मोहम्मद जहाँगिर होसेनले हिन्दू मन्दिरमा आक्रमण गर्नेको खोजी भइरहेको जनाएका छन् । उनले घटनाबारे प्रहरीले अनुसन्धान थालेको समेत जानकारी दिएका छन् ।आक्रमणकारीले मन्दिरमा आक्रमण गरी मन्दिरभित्र रहेका भगवानका प्रतिमा तोडफोड गरेको भारतीय समचार संस्था एएनआईले उल्लेख गरेको छ ।

बहुसङ्ख्यक मुसलमान जनसङ्ख्या रहेको बंगलादेशमा पछिल्लो समय हिन्दू तथा अन्य धार्मिक अल्पसङ्ख्यकलाई लक्षित गरी आक्रमणका घटना बढ्दै गएको पाइन्छ ।