आर्यन सिग्देलको मुख्य भूमिकामा फिल्म ‘सायरा’ बन्ने भएको छ। मंगलवार आयोजित कार्यक्रमबिच नेपाली र भारतीय फिल्मकर्मीको संयुक्त लगानीमा सायरा निर्माण हुने औपचारिक घोषणा भएको हो।

बलिउड निर्माता तथा निर्देशक पुस्कर झा ’सायरा’ मा निर्माताका रुपमा रहनेछन। पुस्करसँगै फिल्ममा नेपाली ब्यानर डीबीआर मेडिया एण्ड मुभिज प्रा लि र आइविल प्रोडक्सन अष्ट्रेलियाको संयुक्त लगानी रहनेछ।

भारतमा सिरियल र फिल्म निर्माण गरेका पुस्करले नेपाली फिल्म बनाउन पाउँदा खुसी लागेको बताएका छन्। उनले नेपाली फिल्मलाई हिन्दी भाषा मार्फत विश्वबजारमा लैजाने समेत बताए। त्यसैगरि, भारतीय निर्देशक विशाल देसाइले नेप-इन्डो प्रोजेक्टमा जोडिन पाउँदा उत्साहित रहेको बताए। सायरा पनि उनैले निर्देशन गर्नेछन्।

फिल्ममा आर्यन सिग्देल, सुफिया सिद्दिकी, कविता नेपाली लगायतका कलाकारहरुको अभिनय रहने छ। डान्सीङ रियालिटी शो मार्फत चिनिएकी कविता नेपाली यसै फिल्म मार्फत डेब्यु गर्दैछिन्। फिल्मको अन्य कलाकार तथा प्राविधिकको बारेमा छिटै जानकारी दिने समेत प्रस्तुतकर्ता रघु परियारले बताए। सोसल ड्रामा र लभ स्टोरीमा तयार फिल्मको कथा परियारले नै तयार पारेका हुन्।