रुरु जलविद्युत परियोजना लिमिटेडमा २ वटा जलविद्युत आयोजनामा लगानी गर्ने भएको छ । कम्पनीको असार १५ गते बसेको संचालक समितिको बैठकले मेवा डेभलपर्स लिमिटेडद्वारा २ वटा आयोजनामा लगानी गर्ने निर्णय गरेको हो ।
कम्पनीले मेवा डेभलपर्स लिमिटेडद्वारा प्रबर्दित मिडल मेवा हाइड्रोपावर आयोजना र सिवा खोला हाइड्रोपावर आयोजनामा ५ करोड रुपैयाँ लगानी गर्ने निर्णय गरेको हो ।

मिडल मेवा हाइड्रोपावर आयोजना ताप्लेजुङमा अवस्थित छ। यो ७३.५ मेगावाटको आयोजना हो । त्यस्तै सिवा खोला हाइड्रोपावर आयोजना ९.३ मेगावाटको आयोजना हो। यो आयोजना पनि ताप्लेजुङमा रहेको छ । दुवै आयोजना ताप्लेजुङको मेरिङ देन गाउँपालिकामा रहेको मिख्वा खोलामा निर्माणाधीन आयोजना हुन् ।