सुवर्ण थापाको निर्देशनमा बनेको फिल्म ‘म’को टिजर सार्वजनिक भएको छ। सस्पेन्स थ्रिलर विधामा रहेको फिल्मको टिजर शनिबार सार्वजनिक भएको हो। फिल्मको टिजरमा एक अपराधिक सोच भएको व्यक्ति र त्यसकारण उत्पन्न घटनाको अनुसन्धानको झलक देखाइएको छ। फिल्म पनि यही सेरोफेरोमा रहेको छ।

सरोज खनाल, निराजन प्रधान, निशा अधिकारी, रुविना थापा, सरिता लामिछाने, सविन श्रेष्ठ, नरेन खड्कालगायतका कलाकारले फिल्ममा अभिनय गरेका छन्।

‘कान्तिपुर फिल्म एडेकेमीले यो सिनेमा प्रस्तुत गरेको छ। फिल्मको पटकथा प्रकाश पुरीले लेखेका छन् भने तेन्जिङ पाल्देनले छायांकन गरेका छन्। वनिष शाहको सम्पादनमा यो फिल्म बनेको छ।

आगामी साउन २० गते फिल्म रिलिज हुने बताइएको छ।