नेपाल एयरलाइन्सले आगामी जेठ २ गते काठमाडौं-भैरहवा उडान गर्ने भएको छ । नेपाल एयरलाइन्सले एक सूचना जारी गर्दै जेठ २ गते काठमाडौं–भैरहवा उडान गर्ने जनाएको हो ।

बुद्ध जयन्तीको अवसर पारेर जेठ २ बाट गौतमबुद्ध क्षेत्रीय अन्तर्राष्ट्रिय विमानस्थलको औपचारिकरुपमा व्यवसायिक उडान शुरु हुने भएको छ । सोहि अवसरमा नेपाल एयरलाइन्सले पनि उडान गर्न लागेको हो । यस दिन कुवेतबाट जजिरा एयरवेजले सो विमानस्थलमा उद्घाटन उडान गर्ने भएको छ ।

यस दिन ए३२० न्यारोबडी जहाजले उडान गर्ने भएको छ । काठमाडौंबाट बिहान ६ बजे उड्ने यो जहाज भैरहवाबाट भने ८ बजे काठमाडौंका लागि उड्ने भएको छ । सर्वसाधरण यात्रुले पनि टिकट काटेर उडान गर्न पाउने भएका छन् ।