गएराति सम्पन्‍न स्पेनिस लालिगा फुटबल अन्तर्गतको खेलमा साविक विजेता रियल मड्रिडले संघर्षपूर्ण जीत हासिल गरेको छ । सेभियालाई उसैको मैदानमा १० ले हराउने क्रममा घरेलु टोलीबाट भएको आत्मघाती गोल नै निर्णायक बनेको थियो ।यस जितसँगै रियलले लालिगामा तीन खेलको जीतविहिन यात्रामा पूर्णविराम लगाएको छ ।
जीतसँगै रियल ११ खेलमा २० अंकसहित अंक तालिकाको तेस्रो स्थानमा पुगेको छ । सेभिया भने १० खेलमा १६ अंकका साथ पाँचौ स्थानमा छ ।

खेलको ५५औं मिनेटमा फर्लान्ड मेन्डीको लो क्रसलाई भिनिसियस जुनिअरले पेनाल्टी क्षेत्रभित्र हल्का छोएपछि बल गोलरक्षक बोनोउको हातमा लाग्दै गोल भएको थियो ।