भुपेन्द्र थापा मगर नेपाल आइडल सिजन-४ का विजेता बनेका छन् ।

भैरहवाका मगरले चार प्रतिस्पर्धीलाई पछि पार्दै विजेता बन्न सफल भएका हुन् । नेपाल आइडलको उपाधिसँगै मगरले ३० लाख रुपैयाँ र ट्रफी प्राप्त गरेका छन् ।गायन प्रतियोगितामा झापाका नाम्गेल तामाङ फस्ट रनरअप र रामेछापका रञ्चित नेपाली सेकेन्ड रनरअप भएका छन् ।

तामाङ र नेपालीले क्रमशः पाँच र तीन लाख रुपैयाँका साथै ट्रफी पाएका छन् ।त्यसैगरी, झापाका विश्वास उप्रेती चौथो र मोरङकी लक्ष्मी पौडेल पाँचौँ भएका छन् ।