शुक्रबार सुनको भाउ बढेको छ । बिहिबार तोलाको १ लाख २ हजार रुपैयाँमा कारोबार भएको छापावाल सुन आज शुक्रबार तोलामा ६ सयले बढेर प्रति तोला १ लाख २ हजार ६ सय रुपैयाँ पुगेको छ ।

आज तेजाबी सुनको भाउ पनि तोलामा ६ सय रुपैयाँले नै बढेर प्रतितोला १ लाख २ हजार १ सय रुपैयाँमा कारोबार भईरहेको छ । आज चाँदीको भाउ तोलामा १० रुपैयाँले बढेर १४ सय १५ रुपैयाँमा आईपुगेको छ ।

नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ८७ हजार ९ सय ६५ रुपैयाँ, प्रति १० ग्राम तेजावी सुनको भाउ ८७ हजार ५ सय ३५ रुपैयाँ र प्रति १० ग्राम चाँदीको भाउ १२ सय १३ रुपैयाँ कायम गरेको छ ।