नेपाली बजारमा सुनको मूल्य आज बढेको छ । हिजो सुनको मूल्य प्रतितोला ९६ हजार ६ सयमा कारोबार भएकोमा आज तोलामा १६ सयले बढेको हो । आइतबार सुनको मूल्य तोलामा १४ सयले घटेको थियो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ९८ हजार २ सय रुपैयाँ कायम गरिएको छ भने तेजावी सुनको मूल्य प्रतितोला ९७ हजार ७ सय रुपैयाँ कायम गरिएको छ ।त्यस्तै, आज चाँदीको मूल्यमा पनि बढेको छ । हिजो चाँदीको मूल्य प्रतितोला १२९५ रुपैयाँमा कारोबार भएकोमा आज बढेर प्रतितोला १३४० रुपैयाँ मूल्य कायम गरिएको महासंघले जनाएको छ ।