बालुवाटारमा प्रधानमन्त्री शेरबहादुर देउवा र एमाले अध्यक्ष केपी शर्मा ओलीबीच भेटवार्ता भएको छ । मंगलबार साँझ प्रधानमन्त्रीसँग छलफल गर्न ओली बालुवाटार पुगेका हुन् ।

ओलीका सञ्चारविज्ञ रामशरण बजगाईंकाअनुसार ओली करिब साँझ ६:३० बजे बालुवाटार पुगेका हुन् । दुई नेताबीच एमसीसी र वर्तमान राजनीति विषयमा छलफलहुने ओलीको सचिवालयले जनाएको छ ।एमसीसीलाई लिएर सत्ता गठबन्धनमा दरार आएका बेला देउवा र ओलीबीच भेटवार्ता भएको हो ।